Єврейська Біблія

Псалми 119

100%

Український переклад

¹ אַשְׁרֵ֥י תְמִֽימֵי דָ֑רֶךְ הַֽ֝הֹלְכִ֗ים בְּתוֹרַ֥ת יְהוָֽה

¹ Пісня прочан.

² אַ֭שְׁרֵי נֹצְרֵ֥י עֵדֹתָ֗יו בְּכָל לֵ֥ב יִדְרְשֽׁוּהוּ

² Господи, визволь же душу мою від губи неправдивої, від язика зрадливого!

³ אַ֭ף לֹֽא פָעֲל֣וּ עַוְלָ֑ה בִּדְרָכָ֥יו הָלָֽכוּ

³ Що Тобі дасть, або що для Тебе додасть лукавий язик?

⁴ אַ֭תָּה צִוִּ֥יתָה פִקֻּדֶ֗יךָ לִשְׁמֹ֥ר מְאֹֽד

⁴ Загострені стріли потужного із ялівцевим вугіллям!

⁵ אַ֭חֲלַי יִכֹּ֥נוּ דְרָכָ֗י לִשְׁמֹ֥ר חֻקֶּֽיךָ

⁵ Горе мені, що замешкую в Мешеху, що живу із шатрами Кедару!

⁶ אָ֥ז לֹא אֵב֑וֹשׁ בְּ֝הַבִּיטִ֗י אֶל כָּל מִצְוֺתֶֽיךָ

⁶ Довго душа моя перебувала собі разом з тими, хто ненавидить мир:

⁷ א֭וֹדְךָ בְּיֹ֣שֶׁר לֵבָ֑ב בְּ֝לָמְדִ֗י מִשְׁפְּטֵ֥י צִדְקֶֽךָ

⁷ я за мир, та коли говорю, то вони за війну!

⁸ אֶת חֻקֶּ֥יךָ אֶשְׁמֹ֑ר אַֽל תַּעַזְבֵ֥נִי עַד מְאֹֽד

⁸

⁹ בַּמֶּ֣ה יְזַכֶּה נַּ֭עַר אֶת אָרְח֑וֹ לִ֝שְׁמֹ֗ר כִּדְבָרֶֽךָ

⁹

¹⁰ בְּכָל לִבִּ֥י דְרַשְׁתִּ֑יךָ אַל תַּ֝שְׁגֵּ֗נִי מִמִּצְוֺתֶֽיךָ

¹⁰

¹¹ בְּ֭לִבִּי צָפַ֣נְתִּי אִמְרָתֶ֑ךָ לְ֝מַ֗עַן לֹ֣א אֶֽחֱטָא לָֽךְ

¹¹

¹² בָּר֖וּךְ אַתָּ֥ה יְהוָ֗ה לַמְּדֵ֥נִי חֻקֶּֽיךָ

¹²

¹³ בִּשְׂפָתַ֥י סִפַּ֑רְתִּי כֹּ֝֗ל מִשְׁפְּטֵי פִֽיךָ

¹³

¹⁴ בְּדֶ֖רֶךְ עֵדְוֺתֶ֥יךָ שַׂ֗שְׂתִּי כְּעַ֣ל כָּל הֽוֹן

¹⁴

¹⁵ בְּפִקֻּדֶ֥יךָ אָשִׂ֑יחָה וְ֝אַבִּ֗יטָה אֹרְחֹתֶֽיךָ

¹⁵

¹⁶ בְּחֻקֹּתֶ֥יךָ אֶֽשְׁתַּעֲשָׁ֑ע לֹ֭א אֶשְׁכַּ֣ח דְּבָרֶֽךָ

¹⁶

¹⁷ גְּמֹ֖ל עַֽל עַבְדְּךָ֥ אֶֽחְיֶ֗ה וְאֶשְׁמְרָ֥ה דְבָרֶֽךָ

¹⁷

¹⁸ גַּל עֵינַ֥י וְאַבִּ֑יטָה נִ֝פְלָא֗וֹת מִתּוֹרָתֶֽךָ

¹⁸

¹⁹ גֵּ֣ר אָנֹכִ֣י בָאָ֑רֶץ אַל תַּסְתֵּ֥ר מִ֝מֶּ֗נִּי מִצְוֺתֶֽיךָ

¹⁹

²⁰ גָּרְסָ֣ה נַפְשִׁ֣י לְתַאֲבָ֑ה אֶֽל מִשְׁפָּטֶ֥יךָ בְכָל עֵֽת

²⁰

²¹ גָּ֭עַרְתָּ זֵדִ֣ים אֲרוּרִ֑ים הַ֝שֹּׁגִים מִמִּצְוֺתֶֽיךָ

²¹

²² גַּ֣ל מֵֽ֭עָלַי חֶרְפָּ֣ה וָב֑וּז כִּ֖י עֵדֹתֶ֣יךָ נָצָֽרְתִּי

²²

²³ גַּ֤ם יָֽשְׁב֣וּ שָׂ֭רִים בִּ֣י נִדְבָּ֑רוּ עַ֝בְדְּךָ֗ יָשִׂ֥יחַ בְּחֻקֶּֽיךָ

²³

²⁴ גַּֽם עֵ֭דֹתֶיךָ שַׁעֲשֻׁעָ֗י אַנְשֵׁ֥י עֲצָתִֽי

²⁴

²⁵ דָּֽבְקָ֣ה לֶעָפָ֣ר נַפְשִׁ֑י חַ֝יֵּ֗נִי כִּדְבָרֶֽךָ

²⁵

²⁶ דְּרָכַ֣י סִ֭פַּרְתִּי וַֽתַּעֲנֵ֗נִי לַמְּדֵ֥נִי חֻקֶּֽיךָ

²⁶

²⁷ דֶּֽרֶךְ פִּקּוּדֶ֥יךָ הֲבִינֵ֑נִי וְ֝אָשִׂ֗יחָה בְּנִפְלְאוֹתֶֽיךָ

²⁷

²⁸ דָּלְפָ֣ה נַ֭פְשִׁי מִתּוּגָ֑ה קַ֝יְּמֵ֗נִי כִּדְבָרֶֽךָ

²⁸

²⁹ דֶּֽרֶךְ שֶׁ֭קֶר הָסֵ֣ר מִמֶּ֑נִּי וְֽתוֹרָתְךָ֥ חָנֵּֽנִי

²⁹

³⁰ דֶּֽרֶךְ אֱמוּנָ֥ה בָחָ֑רְתִּי מִשְׁפָּטֶ֥יךָ שִׁוִּֽיתִי

³⁰

³¹ דָּבַ֥קְתִּי בְעֵֽדְוֺתֶ֑יךָ יְ֝הוָ֗ה אַל תְּבִישֵֽׁנִי

³¹

³² דֶּֽרֶךְ מִצְוֺתֶ֥יךָ אָר֑וּץ כִּ֖י תַרְחִ֣יב לִבִּֽי

³²

³³ הוֹרֵ֣נִי יְ֭הוָה דֶּ֥רֶךְ חֻקֶּ֗יךָ וְאֶצְּרֶ֥נָּה עֵֽקֶב

³³

³⁴ הֲ֭בִינֵנִי וְאֶצְּרָ֥ה תֽוֹרָתֶ֗ךָ וְאֶשְׁמְרֶ֥נָּה בְכָל לֵֽב

³⁴

³⁵ הַ֭דְרִיכֵנִי בִּנְתִ֣יב מִצְוֺתֶ֑יךָ כִּי ב֥וֹ חָפָֽצְתִּי

³⁵

³⁶ הַט לִ֭בִּי אֶל עֵדְוֺתֶ֗יךָ וְאַ֣ל אֶל בָּֽצַע

³⁶

³⁷ הַעֲבֵ֣ר עֵ֭ינַי מֵרְא֣וֹת שָׁ֑וְא בִּדְרָכֶ֥ךָ חַיֵּֽנִי

³⁷

³⁸ הָקֵ֣ם לְ֭עַבְדְּךָ אִמְרָתֶ֑ךָ אֲ֝שֶׁ֗ר לְיִרְאָתֶֽךָ

³⁸

³⁹ הַעֲבֵ֣ר חֶ֭רְפָּתִי אֲשֶׁ֣ר יָגֹ֑רְתִּי כִּ֖י מִשְׁפָּטֶ֣יךָ טוֹבִֽים

³⁹

⁴⁰ הִ֭נֵּה תָּאַ֣בְתִּי לְפִקֻּדֶ֑יךָ בְּצִדְקָתְךָ֥ חַיֵּֽנִי

⁴⁰

⁴¹ וִֽיבֹאֻ֣נִי חֲסָדֶ֣ךָ יְהוָ֑ה תְּ֝שֽׁוּעָתְךָ֗ כְּאִמְרָתֶֽךָ

⁴¹

⁴² וְאֶֽעֱנֶ֣ה חֹרְפִ֣י דָבָ֑ר כִּֽי בָ֝טַחְתִּי בִּדְבָרֶֽךָ

⁴²

⁴³ וְֽאַל תַּצֵּ֬ל מִפִּ֣י דְבַר אֱמֶ֣ת עַד מְאֹ֑ד כִּ֖י לְמִשְׁפָּטֶ֣ךָ יִחָֽלְתִּי

⁴³

⁴⁴ וְאֶשְׁמְרָ֖ה תוֹרָתְךָ֥ תָמִ֗יד לְעוֹלָ֥ם וָעֶֽד

⁴⁴

⁴⁵ וְאֶתְהַלְּכָ֥ה בָרְחָבָ֑ה כִּ֖י פִקֻּדֶ֣יךָ דָרָֽשְׁתִּי

⁴⁵

⁴⁶ וַאֲדַבְּרָ֣ה בְ֭עֵדֹתֶיךָ נֶ֥גֶד מְלָכִ֗ים וְלֹ֣א אֵבֽוֹשׁ

⁴⁶

⁴⁷ וְאֶשְׁתַּֽעֲשַׁ֥ע בְּמִצְוֺתֶ֗יךָ אֲשֶׁ֣ר אָהָֽבְתִּי

⁴⁷

⁴⁸ וְאֶשָּֽׂא כַפַּ֗י אֶֽל מִ֭צְוֺתֶיךָ אֲשֶׁ֥ר אָהָ֗בְתִּי וְאָשִׂ֥יחָה בְחֻקֶּֽיךָ

⁴⁸

⁴⁹ זְכֹר דָּבָ֥ר לְעַבְדֶּ֑ךָ עַ֝֗ל אֲשֶׁ֣ר יִֽחַלְתָּֽנִי

⁴⁹

⁵⁰ זֹ֣את נֶחָמָתִ֣י בְעָנְיִ֑י כִּ֖י אִמְרָתְךָ֣ חִיָּֽתְנִי

⁵⁰

⁵¹ זֵ֭דִים הֱלִיצֻ֣נִי עַד מְאֹ֑ד מִ֝תּֽוֹרָתְךָ֗ לֹ֣א נָטִֽיתִי

⁵¹

⁵² זָ֘כַ֤רְתִּי מִשְׁפָּטֶ֖יךָ מֵעוֹלָ֥ם יְהוָ֗ה וָֽאֶתְנֶחָֽם

⁵²

⁵³ זַלְעָפָ֣ה אֲ֭חָזַתְנִי מֵרְשָׁעִ֑ים עֹ֝זְבֵ֗י תּוֹרָתֶֽךָ

⁵³

⁵⁴ זְ֭מִרוֹת הָֽיוּ לִ֥י חֻקֶּ֗יךָ בְּבֵ֣ית מְגוּרָֽי

⁵⁴

⁵⁵ זָ֘כַ֤רְתִּי בַלַּ֣יְלָה שִׁמְךָ֣ יְהוָ֑ה וָֽ֝אֶשְׁמְרָ֗ה תּוֹרָתֶֽךָ

⁵⁵

⁵⁶ זֹ֥את הָֽיְתָה לִּ֑י כִּ֖י פִקֻּדֶ֣יךָ נָצָֽרְתִּי

⁵⁶

⁵⁷ חֶלְקִ֖י יְהוָ֥ה אָמַ֗רְתִּי לִשְׁמֹ֥ר דְּבָרֶֽיךָ

⁵⁷

⁵⁸ חִלִּ֣יתִי פָנֶ֣יךָ בְכָל לֵ֑ב חָ֝נֵּ֗נִי כְּאִמְרָתֶֽךָ

⁵⁸

⁵⁹ חִשַּׁ֥בְתִּי דְרָכָ֑י וָאָשִׁ֥יבָה רַ֝גְלַ֗י אֶל עֵדֹתֶֽיךָ

⁵⁹

⁶⁰ חַ֭שְׁתִּי וְלֹ֣א הִתְמַהְמָ֑הְתִּי לִ֝שְׁמֹ֗ר מִצְוֺתֶֽיךָ

⁶⁰

⁶¹ חֶבְלֵ֣י רְשָׁעִ֣ים עִוְּדֻ֑נִי תּֽ֝וֹרָתְךָ֗ לֹ֣א שָׁכָֽחְתִּי

⁶¹

⁶² חֲצֽוֹת לַ֗יְלָה אָ֭קוּם לְהוֹד֣וֹת לָ֑ךְ עַ֝֗ל מִשְׁפְּטֵ֥י צִדְקֶֽךָ

⁶²

⁶³ חָבֵ֣ר אָ֭נִי לְכָל אֲשֶׁ֣ר יְרֵא֑וּךָ וּ֝לְשֹׁמְרֵ֗י פִּקּוּדֶֽיךָ

⁶³

⁶⁴ חַסְדְּךָ֣ יְ֭הוָה מָלְאָ֥ה הָאָ֗רֶץ חֻקֶּ֥יךָ לַמְּדֵֽנִי

⁶⁴

⁶⁵ ט֭וֹב עָשִׂ֣יתָ עִֽם עַבְדְּךָ֑ יְ֝הוָ֗ה כִּדְבָרֶֽךָ

⁶⁵

⁶⁶ ט֤וּב טַ֣עַם וָדַ֣עַת לַמְּדֵ֑נִי כִּ֖י בְמִצְוֺתֶ֣יךָ הֶאֱמָֽנְתִּי

⁶⁶

⁶⁷ טֶ֣רֶם אֶ֭עֱנֶה אֲנִ֣י שֹׁגֵ֑ג וְ֝עַתָּ֗ה אִמְרָתְךָ֥ שָׁמָֽרְתִּי

⁶⁷

⁶⁸ טוֹב אַתָּ֥ה וּמֵטִ֗יב לַמְּדֵ֥נִי חֻקֶּֽיךָ

⁶⁸

⁶⁹ טָפְל֬וּ עָלַ֣י שֶׁ֣קֶר זֵדִ֑ים אֲ֝נִ֗י בְּכָל לֵ֤ב אֱצֹּ֬ר פִּקּוּדֶֽיךָ

⁶⁹

⁷⁰ טָפַ֣שׁ כַּחֵ֣לֶב לִבָּ֑ם אֲ֝נִ֗י תּוֹרָתְךָ֥ שִֽׁעֲשָֽׁעְתִּי

⁷⁰

⁷¹ טֽוֹב לִ֥י כִֽי עֻנֵּ֑יתִי לְ֝מַ֗עַן אֶלְמַ֥ד חֻקֶּֽיךָ

⁷¹

⁷² טֽוֹב לִ֥י תֽוֹרַת פִּ֑יךָ מֵ֝אַלְפֵ֗י זָהָ֥ב וָכָֽסֶף

⁷²

⁷³ יָדֶ֣יךָ עָ֭שׂוּנִי וַֽיְכוֹנְנ֑וּנִי הֲ֝בִינֵ֗נִי וְאֶלְמְדָ֥ה מִצְוֺתֶֽיךָ

⁷³

⁷⁴ יְ֭רֵאֶיךָ יִרְא֣וּנִי וְיִשְׂמָ֑חוּ כִּ֖י לִדְבָרְךָ֣ יִחָֽלְתִּי

⁷⁴

⁷⁵ יָדַ֣עְתִּי יְ֭הוָה כִּי צֶ֣דֶק מִשְׁפָּטֶ֑יךָ וֶ֝אֱמוּנָ֗ה עִנִּיתָֽנִי

⁷⁵

⁷⁶ יְהִי נָ֣א חַסְדְּךָ֣ לְנַחֲמֵ֑נִי כְּאִמְרָתְךָ֥ לְעַבְדֶּֽךָ

⁷⁶

⁷⁷ יְבֹא֣וּנִי רַחֲמֶ֣יךָ וְאֶֽחְיֶ֑ה כִּי תֽ֝וֹרָתְךָ֗ שַֽׁעֲשֻׁעָֽי

⁷⁷

⁷⁸ יֵבֹ֣שׁוּ זֵ֭דִים כִּי שֶׁ֣קֶר עִוְּת֑וּנִי אֲ֝נִ֗י אָשִׂ֥יחַ בְּפִקּוּדֶֽיךָ

⁷⁸

⁷⁹ יָשׁ֣וּבוּ לִ֣י יְרֵאֶ֑יךָ וידעו וְ֝יֹדְעֵ֗י עֵדֹתֶֽיךָ

⁷⁹

⁸⁰ יְהִֽי לִבִּ֣י תָמִ֣ים בְּחֻקֶּ֑יךָ לְ֝מַ֗עַן לֹ֣א אֵבֽוֹשׁ

⁸⁰

⁸¹ כָּלְתָ֣ה לִתְשׁוּעָתְךָ֣ נַפְשִׁ֑י לִדְבָרְךָ֥ יִחָֽלְתִּי

⁸¹

⁸² כָּל֣וּ עֵ֭ינַי לְאִמְרָתֶ֑ךָ לֵ֝אמֹ֗ר מָתַ֥י תְּֽנַחֲמֵֽנִי

⁸²

⁸³ כִּֽי הָ֭יִיתִי כְּנֹ֣אד בְּקִיט֑וֹר חֻ֝קֶּ֗יךָ לֹ֣א שָׁכָֽחְתִּי

⁸³

⁸⁴ כַּמָּ֥ה יְמֵֽי עַבְדֶּ֑ךָ מָתַ֬י תַּעֲשֶׂ֖ה בְרֹדְפַ֣י מִשְׁפָּֽט

⁸⁴

⁸⁵ כָּֽרוּ לִ֣י זֵדִ֣ים שִׁיח֑וֹת אֲ֝שֶׁ֗ר לֹ֣א כְתוֹרָתֶֽךָ

⁸⁵

⁸⁶ כָּל מִצְוֺתֶ֥יךָ אֱמוּנָ֑ה שֶׁ֖קֶר רְדָפ֣וּנִי עָזְרֵֽנִי

⁸⁶

⁸⁷ כִּ֭מְעַט כִּלּ֣וּנִי בָאָ֑רֶץ וַ֝אֲנִ֗י לֹא עָזַ֥בְתִּי פִקֻּודֶֽיךָ

⁸⁷

⁸⁸ כְּחַסְדְּךָ֥ חַיֵּ֑נִי וְ֝אֶשְׁמְרָ֗ה עֵד֥וּת פִּֽיךָ

⁸⁸

⁸⁹ לְעוֹלָ֥ם יְהוָ֑ה דְּ֝בָרְךָ֗ נִצָּ֥ב בַּשָּׁמָֽיִם

⁸⁹

⁹⁰ לְדֹ֣ר וָ֭דֹר אֱמֽוּנָתֶ֑ךָ כּוֹנַ֥נְתָּ אֶ֝֗רֶץ וַֽתַּעֲמֹֽד

⁹⁰

⁹¹ לְֽ֭מִשְׁפָּטֶיךָ עָמְד֣וּ הַיּ֑וֹם כִּ֖י הַכֹּ֣ל עֲבָדֶֽיךָ

⁹¹

⁹² לוּלֵ֣י ת֭וֹרָתְךָ שַׁעֲשֻׁעָ֑י אָ֝֗ז אָבַ֥דְתִּי בְעָנְיִֽי

⁹²

⁹³ לְ֭עוֹלָם לֹא אֶשְׁכַּ֣ח פִּקּוּדֶ֑יךָ כִּ֥י בָ֝֗ם חִיִּיתָֽנִי

⁹³

⁹⁴ לְֽךָ אֲ֭נִי הוֹשִׁיעֵ֑נִי כִּ֖י פִקּוּדֶ֣יךָ דָרָֽשְׁתִּי

⁹⁴

⁹⁵ לִ֤י קִוּ֣וּ רְשָׁעִ֣ים לְאַבְּדֵ֑נִי עֵ֝דֹתֶ֗יךָ אֶתְבּוֹנָֽן

⁹⁵

⁹⁶ לְֽכָל תִּ֭כְלָה רָאִ֣יתִי קֵ֑ץ רְחָבָ֖ה מִצְוָתְךָ֣ מְאֹֽד

⁹⁶

⁹⁷ מָֽה אָהַ֥בְתִּי תוֹרָתֶ֑ךָ כָּל הַ֝יּ֗וֹם הִ֣יא שִׂיחָתִֽי

⁹⁷

⁹⁸ מֵ֭אֹ֣יְבַי תְּחַכְּמֵ֣נִי מִצְוֺתֶ֑ךָ כִּ֖י לְעוֹלָ֣ם הִיא לִֽי

⁹⁸

⁹⁹ מִכָּל מְלַמְּדַ֥י הִשְׂכַּ֑לְתִּי כִּ֥י עֵ֝דְוֺתֶ֗יךָ שִׂ֣יחָה לִֽֿי

⁹⁹

¹⁰⁰ מִזְּקֵנִ֥ים אֶתְבּוֹנָ֑ן כִּ֖י פִקּוּדֶ֣יךָ נָצָֽרְתִּי

¹⁰⁰

¹⁰¹ מִכָּל אֹ֣רַח רָ֭ע כָּלִ֣אתִי רַגְלָ֑י לְ֝מַ֗עַן אֶשְׁמֹ֥ר דְּבָרֶֽךָ

¹⁰¹

¹⁰² מִמִּשְׁפָּטֶ֥יךָ לֹא סָ֑רְתִּי כִּֽי אַ֝תָּ֗ה הוֹרֵתָֽנִי

¹⁰²

¹⁰³ מַה נִּמְלְצ֣וּ לְ֭חִכִּי אִמְרָתֶ֗ךָ מִדְּבַ֥שׁ לְפִֽי

¹⁰³

¹⁰⁴ מִפִּקּוּדֶ֥יךָ אֶתְבּוֹנָ֑ן עַל כֵּ֝֗ן שָׂנֵ֤אתִי כָּל אֹ֬רַח שָֽׁקֶר

¹⁰⁴

¹⁰⁵ נֵר לְרַגְלִ֥י דְבָרֶ֑ךָ וְ֝א֗וֹר לִנְתִיבָתִֽי

¹⁰⁵

¹⁰⁶ נִשְׁבַּ֥עְתִּי וָאֲקַיֵּ֑מָה לִ֝שְׁמֹ֗ר מִשְׁפְּטֵ֥י צִדְקֶֽךָ

¹⁰⁶

¹⁰⁷ נַעֲנֵ֥יתִי עַד מְאֹ֑ד יְ֝הוָ֗ה חַיֵּ֥נִי כִדְבָרֶֽךָ

¹⁰⁷

¹⁰⁸ נִדְב֣וֹת פִּ֭י רְצֵה נָ֣א יְהוָ֑ה וּֽמִשְׁפָּטֶ֥יךָ לַמְּדֵֽנִי

¹⁰⁸

¹⁰⁹ נַפְשִׁ֣י בְכַפִּ֣י תָמִ֑יד וְ֝תֽוֹרָתְךָ֗ לֹ֣א שָׁכָֽחְתִּי

¹⁰⁹

¹¹⁰ נָתְנ֬וּ רְשָׁעִ֣ים פַּ֣ח לִ֑י וּ֝מִפִּקּוּדֶ֗יךָ לֹ֣א תָעִֽיתִי

¹¹⁰

¹¹¹ נָחַ֣לְתִּי עֵדְוֺתֶ֣יךָ לְעוֹלָ֑ם כִּֽי שְׂשׂ֖וֹן לִבִּ֣י הֵֽמָּה

¹¹¹

¹¹² נָטִ֣יתִי לִ֭בִּי לַעֲשׂ֥וֹת חֻקֶּ֗יךָ לְעוֹלָ֥ם עֵֽקֶב

¹¹²

¹¹³ סֵעֲפִ֥ים שָׂנֵ֑אתִי וְֽתוֹרָתְךָ֥ אָהָֽבְתִּי

¹¹³

¹¹⁴ סִתְרִ֣י וּמָגִנִּ֣י אָ֑תָּה לִדְבָרְךָ֥ יִחָֽלְתִּי

¹¹⁴

¹¹⁵ סֽוּרוּ מִמֶּ֥נִּי מְרֵעִ֑ים וְ֝אֶצְּרָ֗ה מִצְוֺ֥ת אֱלֹהָֽי

¹¹⁵

¹¹⁶ סָמְכֵ֣נִי כְאִמְרָתְךָ֣ וְאֶֽחְיֶ֑ה וְאַל תְּ֝בִישֵׁ֗נִי מִשִּׂבְרִֽי

¹¹⁶

¹¹⁷ סְעָדֵ֥נִי וְאִוָּשֵׁ֑עָה וְאֶשְׁעָ֖ה בְחֻקֶּ֣יךָ תָמִֽיד

¹¹⁷

¹¹⁸ סָ֭לִיתָ כָּל שׁוֹגִ֣ים מֵחֻקֶּ֑יךָ כִּי שֶׁ֝֗קֶר תַּרְמִיתָֽם

¹¹⁸

¹¹⁹ סִגִ֗ים הִשְׁבַּ֥תָּ כָל רִשְׁעֵי אָ֑רֶץ לָ֝כֵ֗ן אָהַ֥בְתִּי עֵדֹתֶֽיךָ

¹¹⁹

¹²⁰ סָמַ֣ר מִפַּחְדְּךָ֣ בְשָׂרִ֑י וּֽמִמִּשְׁפָּטֶ֥יךָ יָרֵֽאתִי

¹²⁰

¹²¹ עָ֭שִׂיתִי מִשְׁפָּ֣ט וָצֶ֑דֶק בַּל תַּ֝נִּיחֵ֗נִי לְעֹֽשְׁקָֽי

¹²¹

¹²² עֲרֹ֣ב עַבְדְּךָ֣ לְט֑וֹב אַֽל יַעַשְׁקֻ֥נִי זֵדִֽים

¹²²

¹²³ עֵ֭ינַי כָּל֣וּ לִֽישׁוּעָתֶ֑ךָ וּלְאִמְרַ֥ת צִדְקֶֽךָ

¹²³

¹²⁴ עֲשֵׂ֖ה עִם עַבְדְּךָ֥ כְחַסְדֶּ֗ךָ וְחֻקֶּ֥יךָ לַמְּדֵֽנִי

¹²⁴

¹²⁵ עַבְדְּךָ אָ֥נִי הֲבִינֵ֑נִי וְ֝אֵדְעָ֗ה עֵדֹתֶֽיךָ

¹²⁵

¹²⁶ עֵ֭ת לַעֲשׂ֣וֹת לַיהוָ֑ה הֵ֝פֵ֗רוּ תּוֹרָתֶֽךָ

¹²⁶

¹²⁷ עַל כֵּ֭ן אָהַ֣בְתִּי מִצְוֺתֶ֑יךָ מִזָּהָ֥ב וּמִפָּֽז

¹²⁷

¹²⁸ עַל כֵּ֤ן כָּל פִּקּ֣וּדֵי כֹ֣ל יִשָּׁ֑רְתִּי כָּל אֹ֖רַח שֶׁ֣קֶר שָׂנֵֽאתִי

¹²⁸

¹²⁹ פְּלָא֥וֹת עֵדְוֺתֶ֑יךָ עַל כֵּ֝֗ן נְצָרָ֥תַם נַפְשִֽׁי

¹²⁹

¹³⁰ פֵּ֖תַח דְּבָרֶ֥יךָ יָאִ֗יר מֵבִ֥ין פְּתָיִֽים

¹³⁰

¹³¹ פִּֽי פָ֭עַרְתִּי וָאֶשְׁאָ֑פָה כִּ֖י לְמִצְוֺתֶ֣יךָ יָאָֽבְתִּי

¹³¹

¹³² פְּנֵה אֵלַ֥י וְחָנֵּ֑נִי כְּ֝מִשְׁפָּ֗ט לְאֹהֲבֵ֥י שְׁמֶֽךָ

¹³²

¹³³ פְּ֭עָמַי הָכֵ֣ן בְּאִמְרָתֶ֑ךָ וְֽאַל תַּשְׁלֶט בִּ֥י כָל אָֽוֶן

¹³³

¹³⁴ פְּ֭דֵנִי מֵעֹ֣שֶׁק אָדָ֑ם וְ֝אֶשְׁמְרָ֗ה פִּקּוּדֶֽיךָ

¹³⁴

¹³⁵ פָּ֭נֶיךָ הָאֵ֣ר בְּעַבְדֶּ֑ךָ וְ֝לַמְּדֵ֗נִי אֶת חֻקֶּֽיךָ

¹³⁵

¹³⁶ פַּלְגֵי מַ֭יִם יָרְד֣וּ עֵינָ֑י עַ֝֗ל לֹא שָׁמְר֥וּ תוֹרָתֶֽךָ

¹³⁶

¹³⁷ צַדִּ֣יק אַתָּ֣ה יְהוָ֑ה וְ֝יָשָׁ֗ר מִשְׁפָּטֶֽיךָ

¹³⁷

¹³⁸ צִ֭וִּיתָ צֶ֣דֶק עֵדֹתֶ֑יךָ וֶֽאֱמוּנָ֥ה מְאֹֽד

¹³⁸

¹³⁹ צִמְּתַ֥תְנִי קִנְאָתִ֑י כִּֽי שָׁכְח֖וּ דְבָרֶ֣יךָ צָרָֽי

¹³⁹

¹⁴⁰ צְרוּפָ֖ה אִמְרָתְךָ֥ מְאֹ֗ד וְֽעַבְדְּךָ֥ אֲהֵבָֽהּ

¹⁴⁰

¹⁴¹ צָעִ֣יר אָנֹכִ֣י וְנִבְזֶ֑ה פִּ֝קֻּדֶ֗יךָ לֹ֣א שָׁכָֽחְתִּי

¹⁴¹

¹⁴² צִדְקָתְךָ֣ צֶ֣דֶק לְעוֹלָ֑ם וְֽתוֹרָתְךָ֥ אֱמֶֽת

¹⁴²

¹⁴³ צַר וּמָצ֥וֹק מְצָא֑וּנִי מִ֝צְוֺתֶ֗יךָ שַׁעֲשֻׁעָֽי

¹⁴³

¹⁴⁴ צֶ֖דֶק עֵדְוֺתֶ֥יךָ לְעוֹלָ֗ם הֲבִינֵ֥נִי וְאֶחְיֶֽה

¹⁴⁴

¹⁴⁵ קָרָ֣אתִי בְכָל לֵ֭ב עֲנֵ֥נִי יְהוָ֗ה חֻקֶּ֥יךָ אֶצֹּֽרָה

¹⁴⁵

¹⁴⁶ קְרָאתִ֥יךָ הוֹשִׁיעֵ֑נִי וְ֝אֶשְׁמְרָ֗ה עֵדֹתֶֽיךָ

¹⁴⁶

¹⁴⁷ קִדַּ֣מְתִּי בַ֭נֶּשֶׁף וָאֲשַׁוֵּ֑עָה לדבריך לִדְבָרְךָ֥ יִחָֽלְתִּי

¹⁴⁷

¹⁴⁸ קִדְּמ֣וּ עֵ֭ינַי אַשְׁמֻר֑וֹת לָ֝שִׂ֗יחַ בְּאִמְרָתֶֽךָ

¹⁴⁸

¹⁴⁹ ק֭וֹלִי שִׁמְעָ֣ה כְחַסְדֶּ֑ךָ יְ֝הוָ֗ה כְּֽמִשְׁפָּטֶ֥ךָ חַיֵּֽנִי

¹⁴⁹

¹⁵⁰ קָ֭רְבוּ רֹדְפֵ֣י זִמָּ֑ה מִתּוֹרָתְךָ֥ רָחָֽקוּ

¹⁵⁰

¹⁵¹ קָר֣וֹב אַתָּ֣ה יְהוָ֑ה וְֽכָל מִצְוֺתֶ֥יךָ אֱמֶֽת

¹⁵¹

¹⁵² קֶ֣דֶם יָ֭דַעְתִּי מֵעֵדֹתֶ֑יךָ כִּ֖י לְעוֹלָ֣ם יְסַדְתָּֽם

¹⁵²

¹⁵³ רְאֵֽה עָנְיִ֥י וְחַלְּצֵ֑נִי כִּי תֽ֝וֹרָתְךָ֗ לֹ֣א שָׁכָֽחְתִּי

¹⁵³

¹⁵⁴ רִיבָ֣ה רִ֭יבִי וּגְאָלֵ֑נִי לְאִמְרָתְךָ֥ חַיֵּֽנִי

¹⁵⁴

¹⁵⁵ רָח֣וֹק מֵרְשָׁעִ֣ים יְשׁוּעָ֑ה כִּֽי חֻ֝קֶּיךָ לֹ֣א דָרָֽשׁוּ

¹⁵⁵

¹⁵⁶ רַחֲמֶ֖יךָ רַבִּ֥ים יְהוָ֑ה כְּֽמִשְׁפָּטֶ֥יךָ חַיֵּֽנִי

¹⁵⁶

¹⁵⁷ רַ֭בִּים רֹדְפַ֣י וְצָרָ֑י מֵ֝עֵדְוֺתֶ֗יךָ לֹ֣א נָטִֽיתִי

¹⁵⁷

¹⁵⁸ רָאִ֣יתִי בֹ֭גְדִים וָֽאֶתְקוֹטָ֑טָה אֲשֶׁ֥ר אִ֝מְרָתְךָ֗ לֹ֣א שָׁמָֽרוּ

¹⁵⁸

¹⁵⁹ רְ֭אֵה כִּי פִקּוּדֶ֣יךָ אָהָ֑בְתִּי יְ֝הוָ֗ה כְּֽחַסְדְּךָ֥ חַיֵּֽנִי

¹⁵⁹

¹⁶⁰ רֹאשׁ דְּבָרְךָ֥ אֱמֶ֑ת וּ֝לְעוֹלָ֗ם כָּל מִשְׁפַּ֥ט צִדְקֶֽךָ

¹⁶⁰

¹⁶¹ שָׂ֭רִים רְדָפ֣וּנִי חִנָּ֑ם ומדבריך וּ֝מִדְּבָרְךָ֗ פָּחַ֥ד לִבִּֽי

¹⁶¹

¹⁶² שָׂ֣שׂ אָ֭נֹכִֽי עַל אִמְרָתֶ֑ךָ כְּ֝מוֹצֵ֗א שָׁלָ֥ל רָֽב

¹⁶²

¹⁶³ שֶׁ֣קֶר שָׂ֭נֵאתִי וַאֲתַעֵ֑בָה תּוֹרָתְךָ֥ אָהָֽבְתִּי

¹⁶³

¹⁶⁴ שֶׁ֣בַע בַּ֭יּוֹם הִלַּלְתִּ֑יךָ עַ֝֗ל מִשְׁפְּטֵ֥י צִדְקֶֽךָ

¹⁶⁴

¹⁶⁵ שָׁל֣וֹם רָ֭ב לְאֹהֲבֵ֣י תוֹרָתֶ֑ךָ וְאֵֽין לָ֥מוֹ מִכְשֽׁוֹל

¹⁶⁵

¹⁶⁶ שִׂבַּ֣רְתִּי לִֽישׁוּעָתְךָ֣ יְהוָ֑ה וּֽמִצְוֺתֶ֥יךָ עָשִֽׂיתִי

¹⁶⁶

¹⁶⁷ שָֽׁמְרָ֣ה נַ֭פְשִׁי עֵדֹתֶ֑יךָ וָאֹהֲבֵ֥ם מְאֹֽד

¹⁶⁷

¹⁶⁸ שָׁמַ֣רְתִּי פִ֭קּוּדֶיךָ וְעֵדֹתֶ֑יךָ כִּ֖י כָל דְּרָכַ֣י נֶגְדֶּֽךָ

¹⁶⁸

¹⁶⁹ תִּקְרַ֤ב רִנָּתִ֣י לְפָנֶ֣יךָ יְהוָ֑ה כִּדְבָרְךָ֥ הֲבִינֵֽנִי

¹⁶⁹

¹⁷⁰ תָּב֣וֹא תְּחִנָּתִ֣י לְפָנֶ֑יךָ כְּ֝אִמְרָתְךָ֗ הַצִּילֵֽנִי

¹⁷⁰

¹⁷¹ תַּבַּ֣עְנָה שְׂפָתַ֣י תְּהִלָּ֑ה כִּ֖י תְלַמְּדֵ֣נִי חֻקֶּֽיךָ

¹⁷¹

¹⁷² תַּ֣עַן לְ֭שׁוֹנִי אִמְרָתֶ֑ךָ כִּ֖י כָל מִצְוֺתֶ֣יךָ צֶּֽדֶק

¹⁷²

¹⁷³ תְּהִֽי יָדְךָ֥ לְעָזְרֵ֑נִי כִּ֖י פִקּוּדֶ֣יךָ בָחָֽרְתִּי

¹⁷³

¹⁷⁴ תָּאַ֣בְתִּי לִֽישׁוּעָתְךָ֣ יְהוָ֑ה וְ֝תֽוֹרָתְךָ֗ שַׁעֲשֻׁעָֽי

¹⁷⁴

¹⁷⁵ תְּֽחִי נַ֭פְשִׁי וּֽתְהַֽלְלֶ֑ךָּ וּֽמִשְׁפָּטֶ֥ךָ יַעֲזְרֻֽנִי

¹⁷⁵

¹⁷⁶ תָּעִ֗יתִי כְּשֶׂ֣ה אֹ֭בֵד בַּקֵּ֣שׁ עַבְדֶּ֑ךָ כִּ֥י מִ֝צְוֺתֶ֗יךָ לֹ֣א שָׁכָֽחְתִּי

¹⁷⁶

Розділи книги Псалми