Псалми 109

¹ לַ֭מְנַצֵּחַ לְדָוִ֣ד מִזְמ֑וֹר אֱלֹהֵ֥י תְ֝הִלָּתִ֗י אַֽל תֶּחֱרַֽשׁ

¹ Псалом Давидів.

² כִּ֤י פִ֪י רָשָׁ֡ע וּֽפִי מִ֭רְמָה עָלַ֣י פָּתָ֑חוּ דִּבְּר֥וּ אִ֝תִּ֗י לְשׁ֣וֹן שָֽׁקֶר

² Господь із Сіону пошле берло сили Своєї, пануй Ти поміж ворогами Своїми!

³ וְדִבְרֵ֣י שִׂנְאָ֣ה סְבָב֑וּנִי וַיִּֽלָּחֲמ֥וּנִי חִנָּֽם

³ Народ Твій готовий у день військового побору Твого, в оздобах святині із лоня зірниці прилине для Тебе, немов та роса, Твоя молодість.

⁴ תַּֽחַת אַהֲבָתִ֥י יִשְׂטְנ֗וּנִי וַאֲנִ֥י תְפִלָּֽה

⁴ Поклявся Господь, і не буде жаліти: Ти священик навіки за чином Мелхиседековим.

⁵ וַיָּ֘שִׂ֤ימוּ עָלַ֣י רָ֭עָה תַּ֣חַת טוֹבָ֑ה וְ֝שִׂנְאָ֗ה תַּ֣חַת אַהֲבָתִֽי

⁵ По правиці Твоїй розторощить Владика царів у день гніву Свого,

⁶ הַפְקֵ֣ד עָלָ֣יו רָשָׁ֑ע וְ֝שָׂטָ֗ן יַעֲמֹ֥ד עַל יְמִינֽוֹ

⁶ Він буде судити між народами, землю виповнить трупами, розторощить Він голову в краї великім...

⁷ בְּ֭הִשָּׁ֣פְטוֹ יֵצֵ֣א רָשָׁ֑ע וּ֝תְפִלָּת֗וֹ תִּהְיֶ֥ה לַֽחֲטָאָֽה

⁷ Буде пити з струмка на дорозі, тому то підійме Він голову!

⁸ יִֽהְיֽוּ יָמָ֥יו מְעַטִּ֑ים פְּ֝קֻדָּת֗וֹ יִקַּ֥ח אַחֵֽר

⁸

⁹ יִֽהְיוּ בָנָ֥יו יְתוֹמִ֑ים וְ֝אִשְׁתּוֹ אַלְמָנָֽה

⁹

¹⁰ וְנ֤וֹעַ יָנ֣וּעוּ בָנָ֣יו וְשִׁאֵ֑לוּ וְ֝דָרְשׁ֗וּ מֵחָרְבוֹתֵיהֶֽם

¹⁰

¹¹ יְנַקֵּ֣שׁ נ֭וֹשֶׁה לְכָל אֲשֶׁר ל֑וֹ וְיָבֹ֖זּוּ זָרִ֣ים יְגִיעֽוֹ

¹¹

¹² אַל יְהִי ל֭וֹ מֹשֵׁ֣ךְ חָ֑סֶד וְֽאַל יְהִ֥י ח֝וֹנֵ֗ן לִיתוֹמָֽיו

¹²

¹³ יְהִֽי אַחֲרִית֥וֹ לְהַכְרִ֑ית בְּד֥וֹר אַ֝חֵ֗ר יִמַּ֥ח שְׁמָֽם

¹³

¹⁴ יִזָּכֵ֤ר עֲוֺ֣ן אֲ֭בֹתָיו אֶל יְהוָ֑ה וְחַטַּ֥את אִ֝מּ֗וֹ אַל תִּמָּֽח

¹⁴

¹⁵ יִהְי֣וּ נֶֽגֶד יְהוָ֣ה תָּמִ֑יד וְיַכְרֵ֖ת מֵאֶ֣רֶץ זִכְרָֽם

¹⁵

¹⁶ יַ֗עַן אֲשֶׁ֤ר לֹ֥א זָכַר֮ עֲשׂ֪וֹת חָ֥סֶד וַיִּרְדֹּ֡ף אִישׁ עָנִ֣י וְ֭אֶבְיוֹן וְנִכְאֵ֨ה לֵבָ֬ב לְמוֹתֵֽת

¹⁶

¹⁷ וַיֶּאֱהַ֣ב קְ֭לָלָה וַתְּבוֹאֵ֑הוּ וְֽלֹא חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ

¹⁷

¹⁸ וַיִּלְבַּ֥שׁ קְלָלָ֗ה כְּמַ֫דּ֥וֹ וַתָּבֹ֣א כַמַּ֣יִם בְּקִרְבּ֑וֹ וְ֝כַשֶּׁ֗מֶן בְּעַצְמוֹתָֽיו

¹⁸

¹⁹ תְּהִי ל֭וֹ כְּבֶ֣גֶד יַעְטֶ֑ה וּ֝לְמֵ֗זַח תָּמִ֥יד יַחְגְּרֶֽהָ

¹⁹

²⁰ זֹ֤את פְּעֻלַּ֣ת שֹׂ֭טְנַי מֵאֵ֣ת יְהוָ֑ה וְהַדֹּבְרִ֥ים רָ֝֗ע עַל נַפְשִֽׁי

²⁰

²¹ וְאַתָּ֤ה יְה֘וִ֤ה אֲדֹנָ֗י עֲֽשֵׂה אִ֭תִּי לְמַ֣עַן שְׁמֶ֑ךָ כִּי ט֥וֹב חַ֝סְדְּךָ֗ הַצִּילֵֽנִי

²¹

²² כִּֽי עָנִ֣י וְאֶבְי֣וֹן אָנֹ֑כִי וְ֝לִבִּ֗י חָלַ֥ל בְּקִרְבִּֽי

²²

²³ כְּצֵל כִּנְטוֹת֥וֹ נֶהֱלָ֑כְתִּי נִ֝נְעַ֗רְתִּי כָּֽאַרְבֶּֽה

²³

²⁴ בִּ֭רְכַּי כָּשְׁל֣וּ מִצּ֑וֹם וּ֝בְשָׂרִ֗י כָּחַ֥שׁ מִשָּֽׁמֶן

²⁴

²⁵ וַאֲנִ֤י הָיִ֣יתִי חֶרְפָּ֣ה לָהֶ֑ם יִ֝רְא֗וּנִי יְנִיע֥וּן רֹאשָֽׁם

²⁵

²⁶ עָ֭זְרֵנִי יְהוָ֣ה אֱלֹהָ֑י ה֭וֹשִׁיעֵ֣נִי כְחַסְדֶּֽךָ

²⁶

²⁷ וְֽ֭יֵדְעוּ כִּי יָ֣דְךָ זֹּ֑את אַתָּ֖ה יְהוָ֣ה עֲשִׂיתָֽהּ

²⁷

²⁸ יְקַֽלְלוּ הֵמָּה֮ וְאַתָּ֪ה תְבָ֫רֵ֥ךְ קָ֤מוּ וַיֵּבֹ֗שׁוּ וְֽעַבְדְּךָ֥ יִשְׂמָֽח

²⁸

²⁹ יִלְבְּשׁ֣וּ שׂוֹטְנַ֣י כְּלִמָּ֑ה וְיַעֲט֖וּ כַמְעִ֣יל בָּשְׁתָּֽם

²⁹

³⁰ א֘וֹדֶ֤ה יְהוָ֣ה מְאֹ֣ד בְּפִ֑י וּבְת֖וֹךְ רַבִּ֣ים אֲהַֽלְלֶֽנּוּ

³⁰

³¹ כִּֽי יַ֭עֲמֹד לִימִ֣ין אֶבְי֑וֹן לְ֝הוֹשִׁ֗יעַ מִשֹּׁפְטֵ֥י נַפְשֽׁוֹ

³¹